Russit timmisartuutaat qaartartorsuutit ilaanni qanillivallaartarput

Nunat Killiit illersoqatigiiffiata, NATO-p, timmisartuutai malersuutit Norgimiit Tuluillu Nunaanniit ullut tamangajaasa aallartariaqartarput, russit timmisartui qaartartunik nakkaatitsisartut Atlantikup avannarpasinnerusortaani silaannaq NATO-miit nakkutigineqartoq qanillivallaaraangassuk – soorlu sorsuunnerup nillertup nalaani aamma taamaattarsimasut. Assersuutigalugu russit timmisartuutaata qaartartunik nakkaatitsisartup Savalimmiut ippassaq kaajallammagit

oktobarip 17-at 2007 17:07

Ruslandimi qineqqusaartoqarpoq, Putinilu inatsisartunut qineqqusaalersaarpalulluni, taamaammat russit pisariaqartippaat Ruslandip naalagaaffittut pissaanilissuartut inissisimaleqqinnera takutinniassallugu. Minnerungitsumik Kina naalagaaffiillu kangilliit allat naalagaaffinnut killernut illuatungiliullutik russinik illersoqatigiinnissamut tunngatillugu suleqatikkuminarnerunissaat anguniarneqarpoq. Tamannali iluatsinnilaq, Danmarkimi nunat tamat pillugit ilisimatusarfimmeersoq, siornatigut Moskvami sakkutooqarneq pillugu aallartitaasimasoq, Carsten Møller oqarpoq. Russimmi timmisartui nillertumik sorsuuttoqarnerata nalaanisuulli sakkulersorsimappat? Sakkutooqarnikkut ataqatigiissaarisartup, Andorosoffip oqaasii malillugit sungiusaataannarnik timmisartut sakkulersorneqarsimapput, tassa atomitalinnik ungasissumulluunniit igeriuttakkanik sakkoqanngillat, tamannalu upperisariaqassagunarparput. NATO-lli timmisartuutaasa russit sulerinersut alapernaattariaqarpaat. Ilimanarpoq russit NATO-mik uumisaarinerat aappaagu præsidentimut qinersineqareersimalerpat unitsinneqassasoq,

Carsten Møller naggasiivoq.

Russit timmisartuutaat qaartartorsuutit ilaanni qanillivallaartarput

Aamma atuaruk