Russit nunanut allanut ministeriat danskinut nersualaarivoq
Sergej Lavrovip nunanut allanut ministerimik, Per Stig Møllerimik, ministeriunermillu, Lars Løkke Rasmussenimik, ippassaq ataatsimeeqateqarnerani tamanna erserpoq.
Russit ministeriata Qalasersuup eqqaaniittunik piginnittussaaneq pillugu Ilulissani siorna ataatsimeersuartitsineq nersualaarpaa, Københavnimilu decembarimi ataatsimeersuarnissap piareersarneqarnera ilanngullugu aamma nersualaarlugu.
Silap pissusaata allanngoriartornera akiorniarlugu Kyotomi isumaqatigiiissutip russinit malinniarneqarusunnera naqissusereerlugu, Per Stig Møller decembarimi ataatsimeersuarnissamut piareersaataasumik russit ministeriata ataatsimeeqatigaa.
CO2-mik mingutsitsinerup annikillisarnissaa anguniarlugu Naalagaaffiit iliuuserisassaminnut pituttorlugit isumaqatigiissuteqarnissaat danskit siunniukkaluaraat, Naalagaafiit mingutsitsinerminnik qanoq annertutigisumik annikillisaanissaminnik nammineq aalajangiinissaat russit orniginartinneruaat. Tamannali Per Stig Møllerip isumaqatiginngilluinnarpaa.
Per Stig Møller ataatsimiinnerup kingorna oqarpoq, isumaqatigiissutit naapertorlugit Naalagaaffiit iliuuserisassaminnut pituttornissaat siunniunneqartariaqartoq.