Russit kilisaataat unioqqutitsisoq
Pissusissamisuunngitsumik ingerlatsisoqartoq paasineqarmat aalisartitseqatigiit 20.000 koruuninik akiligassinneqarput mianersoqquneqarlutillu. Akiliisitsinermut pissutaavoq, kilisaatip qaavani tunisassiorfik ima aaqqinneqarsimammat aalisakkat pisarisuukkat ingerlaannaq immamut nakkarteqqinneqarsinnaasunngorlugit. Kilisaatip qaava tunisassiorfik taamatut aaqqinneqaqqusanngilaq, tassami kilisaatip pisarisuugai ilanngullutik nalunaarutigineqartussaammata. Tamannami aamma Amerlup naalagaata nassuerutigaa, tassa nalunaarut maluginiarluarsimannginnamiuk taamalu akiliisitaanissani akueralugu.
Vædderenimi inuttat aamma paasivaat kilisaatip pisaminik nalunaarsuinerminik Norgimiut periaasiat malikaa, taamalu pisani amerlanaarlugit nalunaarutigisarlugit.
Pisuni taamaattuni umiarsuup naalagaa nalunaarutip qanoq paasisassaaneranik ilitsersorneqartarpoq, taamaalilluni malittarisassat malillugit nalunaaruteqarsinnaaniassammat, Kangilinnguani sakkutooqarfik nittartakkamini taama allappoq.
