Russit Issittoq pillugu qitiusumik tusagassiisarfiliulersaartut
- Tusagassiisarfiup naalagaaffimmit aningaasalersorneqartussap suliassaraa, Issittoq pillugu paasissutissat suut maanna soqutigineqarnerunersut allaaserineqarnissaat, russit issittoq pillugu ataatsimiititaliaata ataasinngormat ataatsimeereerneranni taama oqarpoq, Ruslandip premierministerianut tullersorti, Dmitry Rogozin.
Nunani assigiinngitsuni nunap sananeqaataat pillugit paasisat ineriartornerujussui eqqarsaatigalugit, tamanna russinit alaatsinanneqarnissaa pingaaruteqartoq, Rogozin nutaarsiassaqartitsivimmut TASS-imut oqarpoq.
- Issittoq pillugu paasissutiassat ineriartortinneqassapput, soorlu nuntaarsiassaqartitsivik russinit aqunneqartoq, TASS taama pineqarsimasoq. Qitiusoqarfimmi suliarineqartartussat taassapput, issittoq pillugu tusagassiisarnermik suliaqartut amerlinissaat, mississuinerit pillugit kisitsisinik saqqumiisarneq tamakkulu assigisaat, Rogozin oqarpoq.
Tamakku suliassat saniatigut isumasioqatigiinnernik qitiusoqarfik suliaqartassasoq, Alaska Dispatch News allappoq.
