Avatangiisit Nunanit allanit

Russit inuusuttut Issittumi qeqertamik nutaamik nassaartut

Inuusuttut marluk Ruslandimeersut, assit qaammataasiat assilisimasaanneersut misissortillugit Issittup imartaani qeqertamik nutaamik nassaarput.
Qeqertaq nassaarineqartoq 0,19 km2-t missaannik angitigivoq maannamullu "Ilinniartut Qeqertaannik" atserneqarallarsimalluni
Allattoq Helle Nørrelund Sørensen
marsip 07-at 2018 08:12
Nutserisoq Mads Lynge

Ruslandip avataarsualiartitsisarfia Roskosmos, tusagassiutinut nalunaarummi taama ilaatigut allaaserisaqarpoq.

15-inik ukiulik Valeria Sayenko, 14-inillu ukiulik Artyom Makarenko, inuusuttut ilisimasaqarnerorusuttut pikkorisartinneqarneranni peqataapput, qeqertarlu nutaaq Barentip Imartaani Novasa-zimilsja Novaja Zemljap avataaniittoq paasisimavaat.

AAMMA ATUARUK Putin: Issittoq Ruslandip ilagivaa avissaartitaasinnaangitsoq

Novaja Zemljami sermersuup aakkiartornera ilutigalugu qeqertaq saqqummeriartortoq inuusuttut taakku marluk siorna decembarimi paasivaat.

Qeqertaq angivallaanngilaq, atserneqarnissaali tullinnguuppoq, "Ilinniartulli Qeqertaat"-tut ilisimatuunit taaguuteqarallartinneqarluni.

Ruslandip illersornissamut ministereqarfiata nalunaarutigaa qeqertaq eqqaalu aasaq manna misissuiffigineqarumaartoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk