Russit ilisimatuut sikumit aalersumit annaanneqartut
Russit ilisimatuuisa issittumi misissuinerminni silap pissusaata allanngoriartornera namminneq malugilerpaat. Ilisimatuut misissuiffiat siku aalermat ippassaq unnukkut qimarnguneqartariaqalersimasut, Norgemiut radioat, NRK nalunaarpoq.
Allattoq Louise M. Kleemann
Russit Svalbardip avataani sikorsuarmi tissukartumi, 15 kvadratkilometerisut angitigisumi, siorna misissuiffissaminik pilersitsipput, taannali aalluni maannakkut 2 kvadratkilometerisut angitigilerpoq. Taamaammat ilisimatuut 20-t qimmillu marluk russit pisortaannit tuaviinnaq ippassaq annanniartariaqarsimapput.