Russit ilisimatuut sapiitsuliorsimasutut tikilluaqquneqarput
Sikuijuitsoq Avannarlermukartut pisortaata tallimi illuani nannumik inuusaliamik illuanillu russit erfalasuannik tigummiarluni aqqusinikkut ingerlanera inuppassuarnit nuannassutigineqarluni ersaattaanneqarpoq.
Champagneamik erliguussisoqanngilaq, nunani allamiut erfalasuliisimanerminnut atatillugu uparuartuinerannut angalasut pisortaat ima oqarmat:
- Sikuijuitsoq Avannarleq russinit pigineqartuarsimavoq, pigineqartuassallunilu.
Russit ilisimasassarsiortui aalassatitsisimaqaat, pingaartumik Danmarkimi, Kalaallit Nunaanni aamma Canadami. Sikuijuitsoq Avannarlermi pinngortitap pisuussutaanik oqartussaassuseqarnissamik nunat taakku aamma soqutiginnittuupput.
Canadamiut nunanut allanut ministeriata russit unnerluuppai 1500-kkunni angalasarsimanernik nipangiussisimasutut.
- Erfalasumik sumiluunniit maannakkut ikkussiinnartoqarsinnaanngilaq oqarlunilu, uanga tassa pigilerpara!, Canadap nunanut allanut ministerial oqarpoq.
