Russit Cubami nunaqartut oqaluffittaarput

1959-imi Cubami mumisitsineqarmat Fidel Castrop Che Guevarallu iluatsittumik inuiaqatigiit naqqaniit sanarfivaat. Sovjetunioniusimasulli ajalusoornerata kingorna Cubap Ruslandiulersullu attaveqatigiinnerat annikillisinneqarpoq. Maannali russit Cubami nunaqalersimasut atugarissaarnerulerput.
Allattoq Louise M. Kleemann
oktobarip 20-at 2008 12:45

Cubap illoqarfiisa pingaarnersaanni Havannami oqaluffissaarsuaq russit uppeqqissaarniat oqaluffissaat ippassaq atoqqaarfissiortinneqarmat tussiffattoqarlunilu sanningasulimmik ilisarnaqutsiisoqarpoq. Ruslandimi uppeqqissaarniat aallartitaat atoqqaarfissiortitsinermi peqataasoq Cubap maanna siuttorisaanit Raoul Castromit ilassineqarpoq.

Russit 3.000-it missingi sorsunneq nillertumik taaneqartartoq qaangiummat Cubami najugaqalersimasut oqaluffissaarput.

Cubami pissutsinik immikkut ilisimasallit ilaata niuernermi ilinniarnertuunngorniat ilinniarfianni CBSimi ilinniartitsisup Jan Gustavssonip Cubami aqutsisut iliuusaat tupaallannartoqarsoraa.

- Cubami aqutsisut iliuusaat tupaallannarpoq, naatsorsuutigineqanngivikkaluarmammi taamatut iliornissaat. Paasinarporli qanga russillu ikioqatigiilluinnarlutik ingerlasimanertik qujaniuteqarfiginiarlugulusooq iliuuseqartut. Maannami nunarsuarmi pissaaneqarnerup kipusoornerata kingorna Cuba illersissaminik nukittuumik ujarlerpoq.

Paasinarpoq Cubamiut inuiattut immikkuullarissusertik attatiinnarniarlugu Rusland qulakkeerisussatut suli isigigaat; minnerunngitsumik U.S.A-mit suli persatarineqarnertik qaangivissimannginnamikku.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq