Zelenskyjip Danmark sakkunik timmisartunillu tunissuteqarneranik qutsavigigaa: Russit annilaangapput
Ukrainep præsidentia, Volodymir Zelenskyj, Christiansborgip Landstingssaliani oqalugiarami, Ruslandimut sorsunnermi Danmarkip aqutsilluarnera aamma timmisartunik sakkunillu tapersersuilluni tunissuteqarneranik qutsavigaa.
Qamutillit timmisartullu sorsuutit F-16-it 19-it sorsunnermi atorneqartussatut Ukrainemut tunissutigineqartut pingaaruteqartutut Zelenskyp taavai. Holland timmisartunik sorsuutinik aamma tunissuteqarpoq.
Ukrainip sanaartoqqineqarneranut Danmarkip siuttutut inissimanera eqqaavaa.
Folketingemi siulittaasup, Søren Gadep, ukrainemiut præsidentiat Christiansborgimi Landstingsalemut tikilluaqquaa.
Zelenskyj Ukrainep inuinut nunarsuarmiunullu tamanut aqutsilluartutut Søren Gadep taavaa.
Zelenskyj Danmarkimiinermini arlalinnik ataasinngornermi pisassaqarpoq.
Partiit siulittaasuinik Folketingemilu ataatsimiititaliat siulittaasuinik oqaloqateqassaaq, aamma Dronning Margrethe nereqatigissavaa.