Russit EU-mut attaveqarunnaarnissamik sioorasaaruteqarnerat aalassatsitsisoq
Russit EU-p Ruslandimut immikkut ittumik sukannersumillu iliuuseqalersaarneranut qisuariarput. Allannguiniarluni ilungersuussisup Aleksej Navalnyj-p Ruslandip naalakkersuisuinit tigusarineqarnera pissutaavoq.
Russit nunanut allanut tunngasunut ministeriat, Sergej Lavrov, sisamanngornermi taama sioorasaaruteqarpoq. Tamannalu Europap Ruslandillu akornanni pissutsit ajorsiartuinnarnerannik takussutissat ilagaat.
- Eqqissinissaq kissaatigigaanni sorsunnissamut piareersimasariaqarpoq, Lavrov oqarpoq.
AAMMA ATUARUK Russit naalakkersuisuisa killitsissiat Navalnyjimut toqunartutortitsisimannginneraraat
Tyskit nunanut allanut tunngasunut ministereqarfiata oqaaseqartartua ima akissuteqarpoq: - Taama nalunaaruteqarnerat isumakulunnaqalunilu paasiuminaappoq.
Immikkut ittumik sukannersumillu iliuuseqartoqarsinnaanera mattunneqarsinnaanngitsoq, tyskit nunanut allanut tunngasunut ministeriat Heiko Maas oqarpoq, aammali oqaloqatigiinnissaq taassuma kissaatigalugu.