Ruslandip Ukrainellu gassimik pilersuineq oqaluuserissavaat
Gassi Ruslandimit europamut pilersorneqarneqartartoq pillugu nunat marluk isumaqatigiikkunnaarnerisa kingorna nukissiuuteqarnermi pisortat siullermeerlutik Moskvami ullumi naapissapput.
Moskvami ataatsimiinnerup kingorna Bruxellessimi ataatsimiissapput, tassani ataatsimiinnermi EU isumaqatigiinniartussatut akunnermiliuttut inississimassalluni.
Ukraine aamma Rusland gassi pillugu isumaqatigiikkunnaarnerisa kingorna aatsaat naapissapput. Isumaqatigiikkunnaarneq aallartippoq decemberip ulluisa 31-anni, Ukrainep gassi Ruslandimit pisiarisimasani akilerumanngimmagu.
EUkommissionip siulittaasuata Jose Manuel Barussop Ukraineimi Ruslandimilu nukissiuuteqarnermi pisortaasa isumaqatigiinniartinneqarnissaanut oqarpoq, Ruslandip europamut gassimik pilersuinermini gassi Ukrainekkut aqqusaartinneqartoq nakkutigineqarsinnaalernissaanut periutsimik nassaarnissamik isumaqatigiiniuteqarnissaaq siunniuneqartoq.