Ruslandip præsidentia innuttaasunut ammanerulerniarpoq

Ruslandip præsidentia Medvedev innuttaminut qanoq ammatiginini malugitinnialerpaa. Qarasaasiami nittartagaatigut apeqquteqarfigineqarsinnaalerlunilu akisinnaalerpoq. Taamatut russit præsidentia tamanit takuneqarsinnaasumi "Live Journal"-imi nittartagartaamini aallartippoq.
apriilip 24-at 2009 08:39

Russit inuusuttut ullormut millionit inuunertik pillugu "Live Journal"-imut allattalersimapput, præsident Medvedevillu atorluarnialersimavaa. Erene Bolarrova ukiuni sisamani "Live Journal"-imi namminerisaminik quppersagaqartup præsidentimik akulerunnera nuannaarutigeqaa.

Præsident Medvedev naalakkersuisut nittartagaanni takusassiaqarsimagaluarpoq iluatsippallaarsimanngitsumik. Inuusuttut præsidentimik nittartagaat soqutigisimanngilaat. Maannali nittartakkamut inuusuttut isiginnaartagannaavata saqqaanut assini ilanngummagu inuusuttorpassuit saaffiginnitalersimapput.

- Nittartagaq aqqutigalu inuinnaat saafigisalermagit iluatsilluarpoq, Erene Bolarrova oqaluttuarpoq. Ullup ataatsip ingerlanerani inuinnaat 100-likkaat præsidentiminnut allassimapput. Præsidentip nittartakkaminik iluatsitsilluarnera Erenap ilimagaa saaffiginnittut oqartalermata: Ullumi præsidenterput attaveqarfigigakku pikkunaqaaq, namminerlu nittartakkani nutartilerlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq