Ruslandimit Canadamut Qalasersuakkoorluni
. Reutersimi taama allaaserinnittoqarpoq.
Ilisimasassarsiorlutik angalaqatigiit februaarip 17-ianni - tassa sapaatip akunnera ataaseq qaangiuppat - aallassapput. Angalanerannilu russit qaammataasakkut sumiissusersiornermut atortorissaarutaat nutaaq GLONASS misilerarneqassaaq, taannalu Amerikamiut sumissusersiutaannut GPS-imut russit unammillernerattut taaneqarsinnaavoq. Atortorissaarutip taassuma oqarasuaatinut GPS-imullu atorsinnaaneranut misiliinissamut maannamuugallartoq 2 milliardit dollarsit aningaasaliissutigineqarput.
- Issittup misissuiffigineqarnerani Rusland allanit tamanit siuarsimanerpaavoq, ilisimasassarsiortut siuttuat Vladimir Chukov oqarpoq.
Ilisimasassarsiorlutik angalasut arfineq pingasuusut biilini immikkut suliaasuni pullanneqarujussuarsimasunik assakaasulinnik angallateqassapput, taamaalillutik issittumi siku maniilarsuarnik aqqutissalik aqqutigisinnaaniassagamikku.
Ilisimasassarsiorlutik angalasut 8.000 kilometeri aqqutigereerlugu maaji naatinnagu Canadamut apuunnissartik naatsorsuutigaat, pilersaarutillu tamarmik pissusissamissut ingerlassappata angalanertik juunip 22-anni naammassissallugu naatsorsuutigaat.
