Business.dk-p allaaserisaa naapertorlugu nunarsuarmi inuussutissat akitsoriartulerput.
Tamanna Ruslandip qajuusiassanik avammut niuerunnaarneranik kinguneqarpoq, Ruslandimi tassaavoq nunarsuarmi qajuusiassanik pilersuinerpaat ilaat.
Ruslandip ippassaq qajuusiassanik ukiortaap tungaanut niueqqusiunnaarnera qajuusiassanik niuffaffissuit USA-miittut Europamiittullu paatsiveerussutigaat. Europamilu ippassaq qajuusiassat erngerlugit akii 12 procentimik qaffanneqarput.
- Europami qajuusiassanik niuffaffissuarmi paatsiveeruttunnguqarpoq, nunarsuaq tamakkerlugu qajuusiassanik niuertoq, aningaasaqarneq pillugu aviisimut Finansiel Times-mut oqarpoq.
Taamaalilluni nunarsuaq tamakkerlugu inuussutissat akitsoriartuaarnerat piviusunngortussanngorpoq.
Ukiut tamaasa Ruslandi avammut nalinginnaasumik qajuusiassanik 20-25 million tonsinik tunisassiortaraluarpoq.