Ruslandi suli akerliuvoq

Permanent Forumip Naalagaaffiit Peqatigiinni ataatsimiinnerani ullut sisamassaanni , nunat inoqqaavisa pisinnaatitaaffiisa atuutsinneqarnerat kiisalu naalagaaffiit sorliit Nalunaarummut tapersersuinersut eqqartorneqarput. Tassani paasinarsivoq naalagaaffiit amerlanerpaartaat Nalunaarummut isumaqataasut. Taamaattorli akerliusut suli ilagaat Rusland.

ICC-p Tjukotkami immikkoortortaaniu siulersuisuinut ilaasortap, Tatiana Achirginap, issittumi nunap inoqqaavi sinnerlugit Rusland kaammattorpaa, Nalagaafiit Peqatigiit Inuit pisinnatitaaffii pillugit Nalunaarutaa ilannguffigeqqullugu.

Naggueqatitta inuit 1600-nngorsimasut illersorneqarnissaat, inuuniarnermikkullu atugarisaasa pitsanngorsarnissaannut iliuusissat sorliit aallartittariaqarnersut pillugit Ruslandimi oqartussat oqaloqatiginissaat siunerataralugu ICC pilersaaruteqarpoq ukioq 2012 Tjukotkami ataatsimiinniarluni.

ICC-p aaallartitai ICC-p siulittaasuanit siulersorneqartut tassaapput Kirt Ejesiak, Tatian Achirgina, Hjalmar Dahl kiisalu Sara Olsvig.