Rusland issittumi uuliasiorluni aallartittoq
Sibiriap avannarpasissuani Payakhami Russit uuliasiorlutik qillerilerput.
Allattoq Jens Betak, Marie Kûitse Kristensen
Qillerinerlu Ruslandimut iluanaarfiulluarsinnaavoq, issittumimmi uuliasiorluni qillerinerup annersanngoratarsinnaavaa.
Tusagassiorfik Arctic Today taama allaaserisaqarpoq.
Oliamik qilleriffissaq karap imartaani Sbiriap avannaa tungaaniippoq, Russit aatsitassanut naalakkersuisoqarfiat naapertorlugu uulia 1,2 milliarder tonsitut annertussuseqassangatinneqarpoq.
Russit uuliasiortuat Neftegaz qillerisuupput, taakku ukiumut 26 millioner tonsinik qalluinissartik naatsorsuutigaat.
Uuliasiorneq Russit præsedentianittaaq Vladimir Putinimit annertusineqarusuppoq. Taassumami uuliaq assartorneqartussaq 2024-mi 80 millioner tonsip angusimanissaa pilersaarutigaa.