Rusland Issittumi atomip nukiliorfiliorniarpoq

Atomimik nukiliorfinnik puttasunik nunarsuatsinni aatsaavissuaq sanasoqassaaq. Atomimik nukiliorfiit nalinginnaasut eqqarsaatigissagaanni uku sananiakkat mikisuaraapput, taamaattorli illoqarfik 100.000-inik innuttalik innaallagissamik pilersorsinnaavaa, kiassarlugulu. Issittup imartaani uuliaqarfiit gasseqarfiillu qalluiffigineqassappata qalluisussat atomimik nukiliorfiit puttasut taakku nukimmik pilersorsinnaassavaat.

- Sapinngisaq tamaat isumannaallisaaniarpugut, Reaktorit taamaattut misilittagaqarfigisorujussuuvavut. Taamaammat oqarsinnaavugut reaktorit taakku isumannaatsuusut, Risø-mi DTU-meersoq, Erik Nonbøl, isumaqarpoq.

Atomip nukiliorfiinik puttasunik qulinik Issittup imartaani inissiiniarneq Norgemi avatangiisit pillugit kattuffiup, Miljøvernforbundip, silanngajaarnerunerarpaa. Pinngortitaq pillugu nunarsuaq tamakkerlugu suliniaqatigiiffimmi, WWF-imi, sulisoq, Anne-Marie Bjerg, aamma isumakuluppoq:

- Issittumi immat sorliit sikuerutissanersut ilisimanngilarput, ilutigaluguli silap allanngorarnerulernissaa nalunngilarput. Taamaammat tamaani atomip nukiliorfiliornissamut akerlioqaagut, Anne-Marie Bjerg Danmarkip Radioanut oqarpoq.