Rusland europamut gassimik pilersueqqilerpoq
Ruslandi europamut Ukraine aqqusaarlugu ruujorersuartigut gassimik pilersueqqilersoq, Ruslandimi gassimik pilersuisoq Gazprom nalunaarpoq. Taamaalilluni ulluni arfinilinni gassimik pilersuinermik unitsitsinerugaluaq taamaatinneqarpoq.
Allattoq Louise M. Kleemann
Gassimik pilersuinerup akornutitaqanngitsumik ingerlanissaanik ippassaq unnukkut isumaqatigiissuteqartuupput Rusland, Ukraine EU-lu.
EU-kommissionilli ilimasaarutigaa gassimik pilersuineq nalunaaquttap akunnerini 30-ni siullerni teknikkikkut akornutitaqarsinnaasoq.
Europap kujasissortaani ulluni makkunani issittorsuusumi gassimik kiassaatillit millionilikkaat taamaalillutik qiiasariaarupput.
Gassimik pilersuineq unitsinneqaraluarpoq Ukrainep Ruslandimut akiligassarpassuani akilertarsimanngimmagit.