Rusland atomitalimmik atorluni Issittumi uuliasiorniarpoq
Aviisi naapertorlugu uuliasioqatigiit Gazprom, Ruslandimi uuliasioqatigiinni annersaasut, Barentip imartaani atomimik nukiliorfinnik iniissiniarpoq, nukiliorfiit taakku tamarmik immikkut 70 megawattiussapput, tamarmillu marlunnik reaktoreqassallutik. Atominit nukiliorfimmit eqqagassat namminneq toqqortassavaat, nukiliorfiillu imatorsuaq suliaqutaanatik ukiuni aqqaneq-marlunni 14-iniluunniit atorsinnaassallutik.
Avatangiisinilli illersuiniaqatigiit, Bellona-p, Issittumi uuliasiornissamut gassisiornissamullu atugassanik atomimik nukiliorfiliorniarneq assuareqaa.
- Navianartorujussuussaaq. Arlaatigut ajutoortoqaraluarpat soriarsinnaanavianngilavut. Issittumi avatangiisit qajannareeqisut radioaktivitetimik kissamillu aniasoqalerpat isumakulunnassaqaaq, avammut oqaaseqartartoq, Igor Kudrik, aviisimit The Guardianimit apersorneqarluni oqarpoq.