Rusland aalisarneq pillugu nutaamik isumaqatigineqarpoq
Kalaalit Nunaat Ruslandilu aalisarneq pillugu nutaamik isumaqatigiissusiorput. Kalaallit Nunaat Barentsip imartaani saarullinnik 3000 tonsinik pisaqarsinnaalissaaq, pisarineqarsinnaasut siornamut naleqqiullugu 600 tonsinik ilaneqarlutik.
Allattoq Louise M. Kleemann
decembarip 02-at 2008 07:50
Ruslandip suluppaakkanik qaleralinnillu Kalaallit Nunaata imartaani pisaqarsinnaatitaanera aammattaaq annertusarneqarpoq.
Aamma Ruslandip imartaani kullerit 1000 tonsit Kalaallit Nunaanniit pisarineqarsinnaanngussapput.
Pisortaqarfiup, Inuussutissarsiortut aallartitaasa Aqutsisoqarfiullu Kalaallit Nunaata Ruslandillu akornanni isumaqatigiissut nunanut taakkununnga nalilerujussuartut nalilerpaat, 2009-mullu pisassiissutinik paarlaaqatigiinneq naammagisimaarnartutut nalilerlugu.
Arkhangelskimi Ruslandimiittumi novembarip naajartulernerani isumaqatigiinniartoqarpoq, isumaqatigiissullu Inatsisartuni kingusinnerusukkut akuerineqartussaalluni.
