Rubinit neriunaateqaqaat
Qeqertarsuatsiaani rubinit pitsaassutsimikkut neriunaateqartorujussuunerarlugit Aatsitassanut Pisortaqarfimmeersoq, Lars Lund Sørensen, unnersiorpoq.
Qeqertarsuatsiaat eqqaanni rubineqarfimmit ujarak piigaq 650 tonsi rubineqarneranik, True North Gemsip misissuisarfiani misissoqqissaarneqareerpoq, tassanilu tonsimut 135 gramminik 22,5 karatimik pitsaassusilinnik rubininik nassaartoqarpoq, taakkunanngalu 58 gramminik 9,6 karatimik pitsaalluinnartunik safireqartoq rubineqartorlu paasineqarpoq.
- Misissuinerup inernera Qeqertarsuatsiaani pitsaalluartumik rubineqarfissuaqarneranik takutitsivoq, Lars Lund Sørensen unnersiorpoq.
Rubinit peerneqartut silineqarfissaannut Tysklandimut nassiunneqareerput.
True North Gemsikkormiut tunisassiornissamut aasalerpat qinnuteqassamaarput.
- Misiliummik tunisassiornermi imminut akilersinnaanera paasiniarneqassaaq, tassami rubinip akii assigiinngitsorujussuummata, Lars Lund Sørensen oqarpoq.
