Rubinisiortut Bangkokimi immikkoortortaqarfeqalerput
Canadamiut suliffeqarfiutaat True North Gems Thailandimi immikkoortortaqarfimmik ammaavoq, taamaalillutillu illoqarfiit pingaarnersaanni Bangkokimi immikkoortortaqarfeqalerlutik.
Allattoq Elisa Isaksen
novembarip 08-at 2007 07:46
True North Gems tassaapput Qeqertarsuatsiaat eqqaanni rubiinisiortut, rubiinillu nunatsinni nassaat Bangkokimi immikkoortiterneqartalernissaat nalilersorneqartalernissaallu siunertaralugu True North Gems Thailandimi immikkoortortaqarfeqalernerarpoq.
- Europami nunilu Arabiamioqarfiusuni ujaqqat erlinnartut tunisaasorujussuupput, ungasinngisaannilu immikkoortortaqarfeqalernikkut niuerfiit taakku sapernannginnerusumik iserfigisinnalissavavut, True North Gemsip tunisassionermut pisortaata tullia Nick Houghton oqarpoq, nangillunilu:
- Kinami Indiamilu niuffaffiit pingaaruteqarneruleriartorput, taakkununngalu ajornaannerusumik isersinnaalissaagut, ujaqqanullu erlinnartunut atatillugu Bangkok nunarsuarmi pingaarnersaavoq, Nick Houghton oqarpoq.
