Royal Greenlandimi iggersaaruttoqarluarpoq

Royal Greenlandimi sulisut peqqinnartunik nerisassiornermut Aalborgimi unnugu pikkorissarrtinneqassapput, pikkorissartitsisuussaaq DR TV-kkut iggarissutut ilisimaneqarluartoq Claus Meyer. Iggersaarusuttoqarluarporlu:

- Pikkorissarnissaq soqutigineqarluarpoq, ulluuneranilu sivisuumik sulisartut allaat allatsipput. Lene Rantzau Royal Greenlandip Danmarkimi sulisuinik pikkorissartitsinissami aaqqissuisoq taama oqarpoq.

Royal Greenlandimi sulisut peqqinnarnerusumik inuulernissaat pikkorissartitsinermi siunertaavoq.

Aalisagartornerulernissaq timersornerulernissaq pualavallaarunnaarnissaq imminullu eqqarsaatiginerunissaq anguniarneqarput, kiisalu pujortartarunnaarnissamik isumaqatigiissuteqarnissamut sulisut aamma neqeroorfigineqartut Lene Rantzau oqarpoq.

Sulisut peqqinnarnerusunik nerisaqalernissaannik pikkorissartitsineq Royal Greenlandip suliffeqarfiini allani kingusinnerusukkut aamma ingerlanneqassaaq.

Nunatsinni Royal Greenlandimi sulisut peqqinnartunik nerisaqarnerulernissaannik aaqqissuisuupput Hans Broe aamma Inger Eriksen.