Royal Greenland sulisussarsiuleruttorpoq

Royal Greenlandip Qasigiannguani tunisassiorfiani sulisut amerlisarneqassapput, tamanna anguniarlugu Kommunimi suliffissarsiuussisarfik suleqatigalugu Royal Greenland suliffissaaleqisut akornanni sulisussarsiuleruttorpoq.
Allattoq Else Løvstrøm
januaarip 12-at 2010 15:30

Periarfissat aappaattut nuttarnerulernissamut tapiissutit atorlugit sulisussanik kitaanit tikisitsinissaq siunniunneqarpoq.

Qaleralinnik tunisassiornerup Royal Greenlandip Polenimi immikkoortortaqarfianit Qasigiannguanut nuunneqarneranut atatillugu Qasigiannguani tunisassiorfik nutarterneqassaaq, ukiamullu piareerrnissaa naatsorsuutigineqarluni. Nutarterinerup kinguneranik sulisussat aamma amerlinissaat naatsorsuutigineqarpoq.

- Nuttarnerulernissamut tapiissutit atorlugit sulisut 30-t pissarsiarereerpagut, aamma amerlanerit suli sulisuutigaavut, tunitsivimmi pisortaq Martin Didriksen oqarpoq.

Qasigiannguani suliffissaaleqisut 62-it allattorsimasuutigineqarput, tamarmillu tunitsivimmi sulisinnaanissaat ilamagineqanngitsoq suliffissarsiuussisarfimmi siunnersorti Jens Karl Jeremiassen oqarpoq.

- Tunitsivimmi pisortaq naapertorlugu suliffissaaleqisut ilaat tassaapput sisamariarlutik sulinngitsoorsimasut, taamaattumillu tunitsivimmi sulileqqissinnanngitsut, Jens Karl Jeremiassen oqarpoq.

Ilanngutassiaq Qanoruumi unnugu takuneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq