Royal Greenland Seafood eqqartuussivimmi ajugaavoq
Royal Greenland ukioq 2005-imi pisiniarfissuarmik Tyskland-imiittumi Lidl-mik isumaqatigiissuteqarpoq, kapisilinnik tisaanik 1000 tons-inik pisinissamik.
Royal Greenlandip kapisillit inniminnerneqartut 1000 tonsi-inik oqimaassuseqartut pisiffigisartakkaminut Vestlax-imut Hirthals-imiittumut pisiariniarlugit inniminnerpai. Vestlax-ip kapisillit tunineqarnissaanut akigitinneqartut annikigivai, kapisillillu pisiarineqarnissamut isumaqatigiissutigineqartut malillugit tunniunniarnagit.
Tamatuma kingorna Royal Greenland aalisakkanik tunisassiorfimmik allamik isumaqatigiisuteqarpoq, kapisillit Lidl-mut tunineqartussat tunniussinnaajumallugit.
Royal Greenland-ip kapisillit Tyskland-imut tunineqartussat pillugit isumaqatigiissuteqarfigisaa suliffeqarfik Vestlax ukioq 2005-ip ingerlanerani akiliisinnaajunnaarluni matuvoq.
Taamanili Tyskland-imi pisiniarfissuarmut Lidl-imut tunisat pillugit Vestlaxip Royal Greenland eqqartuussivilersuuppaa, ippassarlu eqqartuussivimmi Vestre Landsrette-mi aalajangerneqarpoq, Royal Greenland kapisillit tunineqarneri pillugit 10 millioner koruunit pissagai.
Suliffeqarfiup akiliisinnaajunnaarluni matusup Vestlax-ip eqqartuussivilersuussineranut aningaasartuutit 450.000 koruuniusut Ryoal Greenland-ip akillissavai, nutaarsiassaqartitsivik Ritzaup allappoq.
