Royal Greenland nutaamik pisortartaartoq

Susanne Arfelt Rajamand ukiortaareerpat februaari aallarnerfigalugu Mikael Thinghuus kingoraarlugu Royal Greenlandimi pisortanngussaaq.

Allattoq Helle Nørrelund Sørensen, Marie Kûitse

novembarip 10-at 2022 10:37

Royal Greenland nutaamik pisortaanertaalerpoq

Susanne Arfelt Rajamand suliffeqarfissuarmi Royal Greenlandip allaffeqarfissuani Nuummiittumi februaarip aallaqqaataa aallarnerfigalugu pisortaaninngussaaq.

Tanna Newzealandimi suliffeqarfissuarmi 2020-mili pisortaavoq. Susanne Arfelt kangiani niuertarfeqarfinnut ukiunik kingullernik 15-inik tuniniaasartuuvoq.

Taassumali misilittakkani Royal Greenlandimi pisortatut ingerlatsinermini atorluarsinnaagai, Royal Greenlandimi siulersuisut siulittaasuat, Maliina Abelsen oqarpoq.

AAMMA ATUARUK Royal Greenland aatsaat taama sinneqartooruteqartoq

- Susanne nunatsinni suliffeqarfiit pingaarnersaanni siuttuussalluni tunuliaqutaqarlunilu, nunani tamalaani misilittagaqarlunilu piginnaasaqarpoq. Royal Greenlandip nunatsinni ineriartortinneqartuarnissaanut nunanilu tamalaani aallussinermik ukkatarinninnermik attassiinnarnissaanut qulakkeerinneqataassaaq, taanna oqarpoq.

Susanne Arfelt Rajamand Royal Greenlandip nioqqutissaataanik kangianut Amerika avannarlermut Europamullu tuniniaanermik annertusaassaaq.

Taassuma Mikael Thinghuus Royal Greenlandimi ukiut aqqaneq marluk kingulliit pisortaareerluni oktobarimi soraartoq kingoraassavaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.