Royal Greenland-ip kilisaataatai Skagenimi tulassinnaanngussapput
Royal Greenlandip kilisaataatai annerit Skagenip umiarsualivianut qanittukkut talissinnaalissapput. Umiarsualivik 3000 kvadratmeteringajannik allilerneqalerpoq alliliinermilu immap itinerusup tungaanut tallineqassaaq, aalisartullu talittarfeqalissallutik. Alliliineq decembarimi naammassissangatinneqarpoq 120 millioni koruuninillu naleqassangatinneqarluni.
- Nunat allamiut pisaminnik tulaassuiffigisartagaannut unammillersinnaanissarput angorusupparput, Skagenip umiarsualiviani pisortaq, Willy B. Hansen, oqarpoq.
Taanna massakkorpiaq Norgemi aalisarneq pillugu saqqummersitsinermi Nor-Fishingimi peqataavoq.
Aalisarnermi atortut aalisariaatsillu nutaanerpaat saqqummersinniarlugit saqqummersitsiniat 450-t Norgeliarput. Inuillu 30.000-t missaat saqqummersitanik takusaanissaat ilimagineqarpoq.
Atlantikup avannaani unioqqutitsillutik aalisartartut sukannernerusumik pineqaatissinneqartarnissaannik siunnersuut, nunat arfineq-pingasut saqqummersitsinermi peqataatitaqartut oqaaseqaasiussavaat.