Royal Greenland: Finn Karlsen kukkuvoq

Sinerissamut qanittumut aalisartut aningaasatigut ajornartorsiornerat Royal Greenlandimut qaffasippallaamik akilersuinernik patsiseqartoq, Aalisanermut Piniarnermullu Nunalerinermullu Naalakkersuisup Finn Karlsenip, aviisimi Sermitsiami apersorneqarluni oqarnera, Royal Greenlandimit illuatungilerneqarpoq.
Allattoq Louise M. Kleemann
januaarip 16-at 2009 06:51

Tamanna ilumuunngitsoq Royal Greenlandip pisortaa Pâviâraq Heilmann Finn Karlsenimut akissuteqarpoq.

- Aalisartut aalisariutaannik qulinik pisinermi Ryoal Greenland ikiuuppoq. aalisariutit sisamat immikkut tamarmik 1 millionit koruuninik naleqartut aalisartut Royal Greenlandimut attartornerisigut pisiarineqarput.

- Aalisariutit sisamat taakkua pisaminnik Royal Greenlandimut tunisinermikkut akiitsutik akilersorpaat, pisariaqassappallu akilersukkat kinguartikkallarneqarsinnaallutik, Paaviaaraq Heilmann oqarpoq.

- Aalisariutit sinneri arfinillit aalisartut aningaaserivimmut Grønlandsbankimut attartornerisigut pisiarineqarput, Royal Greenland qulakkeerinittoralugu, angallammut ataatsimut 1 million koruunit Royal Greenlandip qulakkeerinissutigai.

- Taamaattumik aningaaserivimmit attartukkat taarsersorneqarnerat Royal Greenlandip sunniuteqarfigisinnaanngilai, Paaviaaraq Heilmann oqarpoq.

Tassungalu tunngasut pillugit Finn Karlsenip oqarnera Royal Greenlandimit ilisarineqarsinnaanngitsoq, Paviaaraq Heilmann oqarpoq.

Akerlianik aalisartut siumut isigisut naleqquttunillu aalisariutitaarumasut sulineranni tapersersorlugit Royal Greenlandip aqqutissiueqataasinnaanini ikiuussinnaasimallunilu nuannaarutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq