Royal Greenland aalisartunut juullimi tunissuteqartoq

Royal Greenland pisarnini malillugu sinerissami aalisartunut tunitsivinnut tunisisartunut juullilernerani tunissuteqarpoq.
Assimi talerperliuvoq Ikerasaarsummi aalisartoq nuannaartoq Steffen Filippusen juullilernerani tunissutisiassaminik aallertoq. Puussiamik tunniussivoq Ikerasaarsummi tunitsivimmi aqutsisoq Lars Karlsen. Assi © : RG/Dorthe Inûsugtok
Allattoq Aaqqissuisoqarfik
decembarip 18-at 2015 10:29

Ukioq manna puussiat juullisunnitsunik imallit 1405-iusut avannaani Qaanaami kujataani Aappilattoq tikillugu aalisartut puussiannapput. Royal Greenland nittartakkamini taama allaaserisaqarpoq.

- Avannaani Ikerasaarsummi aalisartut 20-t missaaniittut ilaata Steffen Filippusenip j(assimiittoq,aaqq.) juullilernerani tunissutisiassani nunaqarfiup tunitsivianut aallernerani assilisaq nuannerluinnarpoq. Puussiap juullerpaluttunik imallip ilaatigut imarai qeerlutooq, puulukimineq, mamakujuttut, kaffit akuutissallu assigiinngitsut, RG taama allappoq.

Tunisassiorfiit ilaanni aalisartut katerisimaartinneqarput kaffilernertalimmik, tunitsivinnilu amerlasuuni aalisartut namminneq juullilernerani tunissutisiassatik aassavaat. Illoqarfiilli ilaanni aalisartut angerlarsimaffiinut juulliarannginnerani pajugutigineqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq