Royal Arctic Line Eimskip suleqatigalugu nutaanik umiarsuarsiniartoq
Umiarsuit marluk Polenimiut amutsiviannit Remontowamit sananeqartussaagaluit tunniunneqartussaajunnaarnerat Royal Arctic Line sapaatip-akunnerata siuliani nalunaarutigereeraalu Royal Arctic Line taama maanna nalunaaruteqarpoq.
Umiarsuit marluk Polenimiunit tunniunneqartussaagaluariarlutik kinguaattooqqanerat matumani pissutaasoq, Royal Arctic Linep pisortaanerata Verner Hammekenip oqaatigaa.
Aamma atuaruk Atuisut aningaasaliinissamut akiliutaat maangaannanngitsut
Taarsiullugu umiarsuit containerersornermut atorneqartussat pingasut ukioq naatinnagu sanatinneqarnissaannut Eimskip suleqatigalugu ukioq manna isumaqatigiissutigineqarpoq. Umiarsuit pineqartut Atlantikup avannaani assartuinermut atorneqartussatut naatsorsuutigineqarput.
Eimskipillu ukiumoortumik naatsorsuutai atuaraanni tamanna piviusunngoraluttualerunarpoq. Umiarsuimmi nutaat pingasut Royal Arctic Line suleqatigalugu ukiortaajutinnagu pisiarineqassasut nalunaarutigineqartoq, Shippingwatch.dk-p allaaseraa.
Aamma atuaruk Kisermaassisuuneq oqallisissanngortinneqartoq
Eimskip 20-nik umiarsuaateqarpoq, aktiaatinillu Reykjavikimi niueqatigiittarfimmi nalunaarsorneqarsimalluni. Eimskip ukiuni kingullerni aningaasarsiorlualersimavoq, pingaartumik Islandip Norgellu akornanni assartuinermi ingerlallualersimalluni.
