Royal Arctic Linep assartuinermut akigitai marsip aallaqqaataani qaffaavigineqassapput
Royal Arctic Linep assartuinermut akigititai marsip aallaqqaataanit atuutilersumik iluarsiivigineqassapput. Iluarsiinerup kingunerisaanik 4,8 procentimik qaffaasoqassaaq. Tamatumunnga ilutigitillugu uuliamut tapi aamma nunat allat aningaasaasa nikerartarneranut iluarsiissut appartinneqassaaq. (BAF/CAF) procentpointinit tallimanik appartinneqassaaq 4 %-init -1 %-imut. Taamaattumik akinik iluarsiissuteqarneq ataatsimut assartuinermi akigitinneqartunut sunniuteqassanngilaq. Royal Arctic Line tusagassiorfinnut nalunaaruteqarluni taama ilisimatitsivoq.
Royal Arctic Linep assartuinermut akigitinneqartut iluarsineqarnissaannut qinnuteqaataa, ingerlatsiviup aningaasaqarneranik patajaallisaanissamik umiarsuarnut nutaanut pisariaqartunut aningaasaliissuteqarnermut pissuteqartoq Naalakkersuisut sisamanngormat oqaluuseraat, taamaalillutillu akigitinneqartunik aamma tapimik iluarsiissuteqarnerit akuersissutigalugit.