Royal Arctic Linemi ingerlatsinermut pisortaq soraarniuteqartoq
Royal Arctic Linemi ingerlatsinermut pisortaq Taitsiannguaq Olsen, allani misigisassarsiorusulluni ingerlatsinermut pisortatut soraarniuteqarpoq, soraarniuteqarneralu aggustip naalerneranit atuutilissalluni.
![](/sites/default/files/styles/image_934x467/public/article_images/ral_container_branding_greenland._630_2.jpg?itok=5PtBj9h5)
Allattoq Mads Lynge
Royal Arctic Line tusagassiutinut taama nalunaaruteqarpoq.
Taitsiannguaq Olsen, Royal Arctic Linemi ukiuni 25-ni atorfeqarsimavoq, Royal Arctic Havneservicemi 2015-ip tungaanut akisussaasooreerluni ingerlatsinermut pisortanngorluni.
AAMMA ATUARUK RAL-imi 2019-imi allanngortiterisoqangaatsiassaaq
Royal Arctic Linep immakkut attaveqarnerup iluani ukiuni makkunani allannguinerani peqataasimavoq, Royal Arctic Linellu pisortaanerata Verner Hammekenip suleqatigilluarsimaneranut Taitsiannguaq Olsen qutsavigaa.