Assi: KNR

Rosing: Inatsisartut allamut sangusoorput

Nunatsinni tunngaviusumik inatsiseqalernissaanik siunnersuusiortussamik isumalioqatigiissitamik pilersitsinissaq Inatsisartut Naalakkersuisut qanoq iliornissamut kiffaanngissuseqartippaat.

Demokraatit tamatumunnga isornartorsiuipput, taakkumi naapertorlugit Nunatsinni tunngaviusumik inatsisissap suliarineqarnera Inatsisartunit nakkutigineqanngilaq.

 - Taamaasillunilu isumalioqatigiissitaq qanorpiaq pilersinneqassanersoq suliassarpiaalu Inatsisartunit nakkutigineqarsinnaanngilaq, Inatsisartut inatsiseqarnermut ataatsimiititaliaanut ilaasortaq Demokraatineersoq Michael Rosing oqarpoq.

Tunngaviusumik inatsit pillugu Inatsisartut arfininngornermi tuaviortumik aggersarneqarput, kingornalu siunnersuut Inatsisartut inatsiseqarnermut ataatsimiititaliaanut ingerlateqqillugu.

 

AAMMA ATUARUK Nunatta tunngiviusumik inatsiseqalernissaanut isumalioqatigiissitaq pillugu siunnersuut tuaviussaasoq

 

Suliaq kinguarsarneqassanngilaq

Inatsiseqarnermut ataatsimiititaliaq tunngaviusumik inatsiseqalernissamik siunnersuusiortussamik isumalioqatigiissummi ilaasortassanik Inatsisartut toqqaaqataasussaagaluartut, siunnersuut akuerineqarpoq suliap kingusinaarnissaa pinaveersaartinniarlugu.

Tunngavilersuulli taanna Michael Rosingimit iluarineqanngilaq. 

 - Sooq tuaviortariaqarnersugut takusinnaanngilara. Tunngaviusumik inatsit sivisoorujussuarmik pisariaqartinnavianngilarput, taava ukiup affaa utaqqeqqikkutta suna allannguutaassagami?, Michael Rosing aperaaq.

Immikkoortorlu Inatsisartut upernaakkut ataatsimiinnerannut kinguartinneqarnissaa tulluarnerusoraa.

Inatsisartut peqataatinneqarnerusariaqaraluarput

Inatsisartunit ataatsimiititaliamik sulinasuartussamik pilersitsisoqarpoq, Tunngaviusumik Inatsisissaq pillugu Isumalioqatigiisitaq pillugu Ataatsimiititaliamik taaneqartumik.

Maanilu inatsisinut ataatsimiititaliamut ilaasortanik, partiinit inatsisinut ataatsimiititaliamut ilaasortaatitaqanngitsunit tamanit aallartitanik taaseqataasinnaanngitsunik ilaasortaqartumik. Ilaasortat taaseqataasinnaanngitsut ataatsimiititaliami sulinermut taaseqataasinnaanatik peqataasassapput, suliap ingerlanganut malinnaatinneqarlutik.

Michael Rosingili naapertorlugu ataatsimiititaliaq sunniuteqarnerusariaqaraluarpoq.

- Ataatsimiititaliaq Naalakkersuisut ataatsimeeqatigisussaagaluarpaa, tunngaviusumik pillugu ataatsimiititaliassap qanorpiaq iluseqarnissaanik oqaloqatigiillutik, Inatsisartunillu oqaluuserineqarluni. Maannakkutut itsillugu Inatsisartut oqaasissaqanngillat, tamannalu ernumanarluinnarpoq, Michael Rosing KNR-imut oqarpoq.

 

AAMMA ATUARUK Kalaallit Nunaanni inatsisinut tunngaviusussanut isumalioqatigiissitaq 2017-imi pilersinneqarniartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat