Nunatta Isiginnaartitsisarfia "Ronja piiaasup pania" takuteqqaarneqartussanngorpoq
Astrid Lindgrenip oqaluttualiaata nunatsinni isiginnaagassiatut takutinneqarnissaa tulluartoq, Nunatta Isiginnaartitsisarfiata pisortaa Susanne Andreasen oqarpoq:
- Meeqqanut isiginnaagassiorneq pimoorulluinnaratsigu isumaqarpugut Ronjamik oqaluttualiaq nunatsinni isiginnaartartunut tulluuttuusoq. Sammisaat soorlu kammagiinneq, sapiitsuuneq kiisalu eqqortumik iperaanaveersaarnissaq, inersimasulluunniit allatut isumaqaraluarpata. Tassa taakkuupput meeqqat oqaloqatigisarnerini eqqartugassat pingaartut, Susanne Andreasen oqarpoq.
Angalanissamut pilersaarut:
Maniitsoq:
2. marts, arfininngorneq, Atuartunut, Aula, nal. 15.00
3. marts, sapaat, Tamanut Aula, nal. 15.00
Sisimiut:
6. marts, pingasunngorneq, Atuartunut, Taseralik, nal. 10.00
7. marts, sisamanngorneq, Tamanut, Taseralik, nal. 19.00
Aasiaat:
10. marts, sapaat, Tamanut, Timersortarfik, nal. 16.00
Ilulissat:
13. marts, pingasunngorneq, Atuartunut, Sermermiut, nal. 10.00
14. marts, sisamanngorneq, Tamanut, Sermermiut, nal. 19.00
Nunatta Isiginnaartitsisarfiata isiginnaagassiaa Nuummi Industrivejimi unnugu takutinneqassaaq, illoqarfinnilu sisamani sapaatip-kaunnerata tulliani aallartittumik isiginnaariarneqarsinnaassalluni. Tassami Maniitsumi, Sisimiuni, Aasianni Ilulissanilu isiginnaariarneqarsinnaassagami.
"Ronja piiaasup pania" Atlantikup avannaani suleqatigiinnikkut piviusunngorpoq.
Ilitsersuisoq tassaavoq Björn Ingi Hilmarsson, Islandip isiginnaartitsisarfianeersoq. Taassuma isiginnaartitsisarfiup kiluanik aaqqissuisartoq aamma Islandimeersoq suleqatigaa, Det Kongelige Teaterimit atisaliortartoq isiginnaagaassiami aamma suleqatigineqarpoq.