FN: Rohingyaerit 600.000-t inuartarineqarnissaminnut ulorianartorsiortorujussuusut
Myanmarimillu qimaasut millionit missaanniittut angerlaqqissinngillat.
FN-ip misissueqqissaartartui taama ataasinngornermi mianersoqqusipput.
Muslimerpassuit inuartarineqarsimaneri 2017-imilu muslimit ikinnerussuteqartut Myanmarip sakkutuuinit nunaminnit qimaatinneqarnerat inuiaqatigiinnut nungusaataanerusoq FN-ip misissueqqissaartartuisa siorna inerniliutigaat.
Myanmarimi illersornissaqarfik, taakkulu siuttuat Min Aung Hlaing inatsisitigut malersorneqartariaqarnerarpaat.
Rohingyaerit muslimiupput Myanmarimi ikinnerussuteqartut. Unioqqutitsillutik nunasiniatut isigineqarput naak kinguaariippassuit Myanmarimi najugaqareeraluartut.
Rohingyaerit 740.000-t missaanniittut nunap tullianut, Bangladeshimut 2017-imi aggustimi pinngitsaaliissummik qimaatinneqarput. Matumanilu rohinguaerit allat 200.000-t qimaasut ineqarfianiittut ilagilerlugit.
Taakku maanna 600.000-t Myanmarip ilaani Rakhinemi atugarliortuupput.
- Myanmarimi inuit nungasarneqannarnissaat taamatullu rohingyarnit inuiartarineqarnissaminnut ulorianartorsiorput, misissueqqissaartartut nalunaarusiaminni allapput.