Robert Petersen siullersaalluni ataqqinaammik doktorinngortitaavoq

Ilisimatooq Robert Petersen ilisimatusarfiup pisortaqqaava, ullaap tungaani ataqqinaammik doktorinngortitaavoq. Ilisimatusarfiup oqaluttuarisaanerani aatsaat ataqqinaammik doktorinngortitsisoqarpoq.
Allattoq Nauja Møller
februaarip 26-at 2010 16:06

Ataqqinaammik doktorinngortitsineq tassaavoq, inummut universitetiminut pingaarutilimmik suliaqarsimasumut ataqqinninniarneq.

Robert Petersen 1967-imi Københavnip Universitetiani Eskimologimi magisterinngorpoq, ukiullu arfineq pingasut qaangiummata professorinngorluni. Ilisimatusarfimmiilinnginnermini Inuit Institutimi pisortaavoq, Ilisimatusarfillu ammarmat siullerpaalluni rektoritut atorfeqalerluni, 1995-imilu soraarninngornissami tungaanut atorfigalugu.

Robert Petersen soraarninngorami suliani uninngatiinnarsinnaasimanngilaa. Inuup inuiaqatigiillu pissusiinik ilisimatusaatinik aamma naggueqatigiit Inuit kulturiannik ilisimatusarnermik oqaasilerinermillu suliaqartuartarami, kalaallisut qallunaatut tuluttullu saqqummersinneqartartunik.

Robert Petersenip ataqqinaammik doktorinngortinneqarnera nuannaarutigaara, Ilisimatusarfiup pisortaa Tine Pars ilaatigut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq