Rigshospitalimi juullisiortussat juullimi inuulluaqqussutaat
Anaanaq Uthilie Kristiansen ernermi rigshospitalimiinnerani Danmarkimi juullisiortussaq oqarpoq, pissangalluni kisiannili sumiikkaluaraanniluunniit juulli ataasiusoq meeraanerminiillu tusartaramiuk tamanna nalunngikkaa. Ajoratik juullimi iterunik nuannaarlutik juullisiorniarput. Palasip Jens-Kristian Kleistip napparsimavissuarmi Rigshospital-imi napparsimasunut angalaarluni juullip ivankiiliuanik atuaallunilu tusiaqatigiinnertik Uthiliap iluarivaa.
Palasi Jens-Kristian Kleist oqaluttuarpoq napparsimasut ilaqutaallu ungasissorsuarmi juullisiortussat ikorfartorsinnaagamigit nuannaarutigalugu.
Palasi Jens-Kristian Kleist taamatut oqarpoq. Ilaqutariit Kristiansenikkut ilaquttaminnut juullimi pilluaqqusisinnaanerlutik aperimmata Radioaviisikkut taamaattanngikkaluarluta pilluaqqusitippagut.
Ole Kristiansen-ip nulianilu ilaquttani angajoqqaatillu inuulluaqquai juullimilu pilluaqqullugit. Ukioq kingulleq oqimaalaartumik atugaqarnikuugamik nerippoq ukiumi nutaami iserluarumartut, ilaqqutanilu tamaasa juullimi pilluaqquai ukiortaassamullu iserluaqqqulugit.