RG academy akisuallaaqaaq

Suliffeqarnermut Inuussutissarsiutinullu naalakkersuisup, Siverth K. Heilmannip, sulisut ineriartortinneqarnissaat angujumallugu Royal Greenland Academy-p pikkorissartitsisarnera akisuallaarsoraa sunniutikippaallaarsoralugulu.

Royal Greenlandip Narsami raajaleriffikuani sulisuusimasut pikkorissartinneqarnissaralui taamaatiinnarneqartut, Siverth K. Heilmann oqarpoq.

Taarsiullugu Neqi A/S-ip Inuiliullu kiisalu Narsap Kommuneata aaqqissugaannik pikkorissaatitsisoqarpoq, Royal Greenlandimeersut tallimaannaat peqataaffigisaannik. Tamanna pissutigalugu Royal Greenland sulisorisimasaminik sumiginnaasimasutut uparuarneqarpoq.

Royal Greenland Academy oqarpoq Narsami sulisorineqarsimasut ilinniaqqissinnaanissaminnut upernaaq manna neqeroorfigineqarsimagaluartut, akisoqarsimanngitsorli, aatsaalli aasap ingerlanerani nutaamik neqeroortoqaraluarmat Namminersornerullutik Oqartussanit qisuariartoqarsimasoq.

Pikkorissartitsinissallu aallartinnissaannut sapaatip akunnera ataasiinnanngortoq taamaatiinnarneqartariaqarsimavoq, pikkorissartitsinerlu alla aallartinneqarluni.