Nunarsuup qaavani ukioq affarli ingerlasoqalerrnera qeqertaasap Reykjanesip ataani sajutsitsisut ilisimasallit isumaqarput.Assi: Chris Yunker/flickr

Reykjavikip eqqaani nuna arlaleriarluni sajuttoq

Islandimi illoqarfiit pingaarnersaata eqqaani nuna 5,0-imik 4,6-millu sakkortussuseqartutut uuttortarneqartunik marloriarluni sajussimasoq ataasinngornermi nalunaarutigineqarpoq.

Islandip kujasissortaata kitaani nuna sakkortuumik sajukkami 5,0-imik sakkortussuseqartutut uuttortarneqarpoq, kingornalu sajoqqittarluni. Islandip silasiorfianeersut ataasinngormat taama paasissutissiipput.

Illoqarfiit pingaarnersaata kujataata kitaani nuna 5,0-imik sakkortussuseqartutut uuttortarneqartumik sapaatiummat nalunaaqutaq 23.36 sajoqqaarpoq.

Inunnik atortunillu ajoqusertoqarsimaneranik maannamut nalunaaruteqartoqanngitsoq, nutaarsiassaqartitsivik Ritzau allappoq.

Nuna ataasinngormat ullaakkut sajoqqittarpoq. Taakkunani sakkortunerpaat 4,3-p 4,6-illu akornannut uuttortarneqarput.

Nunarsuup qaavani ukioq affarli ingerlasoqalerrnera qeqertaasap Reykjanesip ataani sajutsitsisut ilisimasallit isumaqarput.

Innermilli anitsisoqarnissaanik takussutissaqanngilaq. Qeqertaasami innermik ukiut 800-t matuma siorna kingullermik anitsisoqarpoq, Iceland Monitor allappoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat