Reykjavikimi nuna sajuppoq
Islandimi illoqarfiit pingaarnersaanni Reykjavikimi nuna kingumut sajoqqippoq. Nunap sajunnera ippassaq ualikkut arfinernut qiteqqutilersoq Richterip uuttuutaa malillugu 4,0-imik sakkortunerpaaffeqarpoq.
Allattoq Najaaraq Egede
juunip 26-at 2009 09:11
Nunap sajuallattarneri ullumi ippassarnit sakkukinnerugaluartut Islandimi oqartussat ilimagaat sajuallannerit arlallit malugineqarsinnaajumaartut.
Inunnik atortunilluunnit ajoqusertoqanngitsoq oqaatigineqarpoq. Iceland Review nittartakkamini taama allaaserinnippoq.
