Reykjavik, Torshavn aamma Nuuk aningaasaliipput

Reykjavikkip Torshavnip Nuullu Kommuunisa ataatsimoorlutik aningaasateqarfiani siulersuisut ippassaq ataatsimiipput.
Allattoq Jaaku Lyberth
juunip 18-at 2009 06:16

Aningaasat 350.000 koruunit kulturimut timersornikkullu aaqqiissussinernut atugassat agguaanneqarput. Nunani avannarlerni Erinarsoqatigiit Nordisk Koncertkor erinniarsuarnik erinarsortakkaminnik Nuummi tusarnaartitsinissaannut 50.000,00 koruuninik aningaasaliiffigineqarput.

Savalimmiuni Qallortartartut Föroya Klarinetorkester Nuummut Reykjavikkimullu angalanissaminnut 40.000,00 koruuninik aningaasaliiffigineqarlutik. Qajartortartut peqatigiiffiat Kajakpolo Greenland, Islandip Kalaallit Nunaatalu unamminissaannut 58.400,00 koruuninik aningaasaliiffigineqarluni.

Savalimmiuni katersugaasiviup umiarsuaa Westward Ho, Reykavikkimi aaqqissuussinermi peqataanissaanut 70.000,00 koruuninik aningaasaliiffigineqarpoq, umiarsuaq taanna Reykjavikkiliaruni Nuummit Reykjavikkimit Torshavnimiillu inuttaqartinneqassaaq.

Umiarsuaq Westward Ho Europami umiarsuit suli angallatigineqartut pisoqaanersaasa ilagaat, Savalimmiuniillu Reykjavikkimut ingerlaannermini nunat avannarliit killiit illoqarfiisa pingaarnersaanneersunit inuttaqartinneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq