Republikanerit Joe Bidenip ilaqutaasalu aningaasaqarnikkut inissisimanerannik misissuiffiginiaraat

USA-mi qiterpaarluni qinersisoqarnerata kingorna Republikanerit Repræsentanternes Husimi amerlanerussuteqalernermi kingorna præsidentip Joe Bidenip ilaqutaasalu aningaasaqarnikkut inissisimanerannik misissuiffiginiarpaat.

Republikanerit paasissutissanik piumasarisaannut ilaavoq, amerikamiut aningaasaqarnermut ministereqarfianni pisimasut attaveqatigiittarfimmilu pisortaasimasut arlaqartut pillugit paasissutissat.

AAMMA ATUARUK Republikanerit Bidenip peqquserlussimaneragaanera pillugu saqqummiilersut

Attaveqatigiittarfimmi Twitterimi pisortaasimasut arlaqartut uppernarsaasuunissaannik Republikanerini qinikkat arlaqartut qinnuigisimavaat, præsidentip ernera Hunter Biden pillugu aviisimi New Yorkimi suliami Twitterimi pisortat akuusimanerat pillugu.

Republikanerimmi isumaqarput. suliaq imaluunniit allaaserisaq Twitterimit annertuuliutiginiarneqarsimanngitsoq politikikkut pissutsit pillugit.

Joe Bidenimmi ernerata, Hunter Bidenip, qatanngutaatalu, James Bidenip, niuernikkut suliaat aarlerinaatilinnik apeqqusernartoqartut, Republikanerit aamma isumaqarput.