Republikanerit USA-mi innuttaasut sinnerlugit sinniisoqarfimmi amerlanerussuteqalertut

USA-mi Sinniisut Illorsuanni republikanerit amerlanerussuteqalerput.

Amerikami nutaarsiassaqartitsivik AP-mit tamanna qulakkeerneqarpoq.

Siullermeerlutik qinersinerup kingorna katersuuttoqalerpat, januaarip ulluisa pingajuannit partiimi ilaasortaasut amerlanerussuteqassapput.

AP-mit paasissutissat naapertorlugu Sinniisut Illorsuanni ilaasortaatitat 218-iupput, republikanerit illuatungiliuttunit amerlanerulaarput.

Illorsuarmi qinerneqarsinnaasut 435-iusut minnerpaamillu amerlanerussuteqarnissamut qinikkat 218-iusussaatitaasut qulakkeerneqarput.

Nutaarsiassaqartitsiviit CNN aamma NBC missingersuutit saqqummiussaanni republikanerit amerlanerussuteqartut taamalu pissaaneqarnerulernerannik qulakkeerinninnerat saqqummiunneqarpoq.

Siuliani Senatetini qinersisoqarmat amerlanerussuteqarpoq 5. novemberimilu Donald Trumpip ajugaanerata kingorna republikanerit Washington D.C.-mi pissaaneqarlualerput.

Allaffissornikkut aqutsinermilu Trumpip sukkasuumik aalajangersakkat timitalersinnaanerinut periarfissaqalertoq nutaarsiassaqartitsivik NBC News allappoq.

Ataatsimeersuaartunissaaq Trumpi periarfissaginnerulerpoq, poltikkikkullu aalajangersakkat Demokratinut sanilliullugit pissaaneqarfiginerulissavai.