Rektori: GU-mi ilinniartitaaneq pitsaanerulissaaq

GU-nik ingerlatsineq Namminersornerullutik Oqartussanit inatsisitigut akisussaaffigineqalissappat, ilinniartitaanerup pitsaassusissaa ineriartortitsinerlu aamma tiguneqassapput, soorluttaaq ilinniartitaanermi malittarisassaliorsinnalissasut.
Allattoq Louise M. Kleemann
septembarip 24-at 2008 11:37

Inatsisartut GU-mut inatsisiliornikkut oqartussaanerup jauarip aallaqqaataani 2009-miit nunatsinnut nuunneqarnissaa ullumi oqaluuserivaat.

Akisussaaffimmik tigusinerup kingornatigut ilinniartitsinerup pitsaassusiata appariataarsinnaanissaa, Aasianni GU-mi rektorip, Flemming Guntofte Nielsen-ip, ernummatigingilaa.

- Ilinniartitaanerup pitsaassusia allanngussanngitsoq, aallaallu qullassasoq, Namminersornerullutik Oqartussanit paasitinneqarpugut, Flemming Guntofte Nielsen oqarpoq.

- Namminersornerullutik Oqartussat Danmarkimi ilinniartitaanermut ministeriaqarfik sorpassuartigut suli saaffigisinnaasartussaavaat. Aammattaaq GU-mi ilinniarsimasut Danmarkimi ilinniaqqinnissamut suli pisinnaatitaassapput.

Nunatsinni GU Danmarkimi gymnasiat 1990-ikkunni killiffianniipput. Tassalu karakteriliisarnemut anguniagassanillu nassuiaatitigut malinnaanikuungilluinnartut Flemming Guntofte Nielsenip oqaatigaa.

GU-nik ingerlatsineq aammalu taakkunani pisortanik ilinniartitsisunillu atorfinitsitsisarneq Namminersornerullutik Oqartussanit ullumikkut akisussaaffigineqareerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq