Kunngikkormiut tikeraarnerat Dronning Margrethe pingasunngorpat Station Nordimut tikissaaq

Tikeraarnerisa nalaanni sapaatit akunnerisa marluk ingerlaneranni kaffillertoqartassaaq, erinarsorfigineqartassallutik, borgmesterinillu tikilluaqquneqartassallutik, tikeraarnissaannut pilersaarutini kunngikkormiut nittartagaanni pisortartigoortumik saqqummiunneqartumi atuarneqarsinnaapput. 

Kunngikkormiut Nunatsinnut tikeraarnerat dronning Margrethep Station Nordimi pingasunngorpat aallartissavaa.

Aamma atuaruk Prins Henriup tupilaatai Frankrigimi saqqummersinneqarput

Aqaguani Illoqqortoormiunukassaaq aamma Daneborgimut.

Tamatuma kingorna Pituffimmut nunaqarfimmullu Savissivimmut tikeraassaaq. 

Kunngikkormiut dronning Margrethe prins Henrillu Upernavimmut sapaatiuppat tikissapput, ataasinngorpallu Ukkusissanukarnissaat pilersaarutaalluni.

Ukkusissaniinnerminni nunaqarfimmi utoqqaanersaq, 84-inik ukiulik, Salomine Skade pulaarneqassaaq.

Aamma atuaruk Dronningip Savalimmiunut tikeraarnissaa qinersisoqarnissaa pissutigalugu taamaatiinnarneqartoq

Marlunngornermi juulip ulluisa 14-anni kunngikkormiut Qullisanut Saqqamullu tikeraassapput.

Pingasunngornermi juulip ulluisa 15-anni dronning Margrethe aamma prins Henrik Ilulissanut tikissapput.

Aqaguanilu sisamanngornermi, juulip ulluisa 16-anni, Qasigiannguanukassapput, ullorlu taanna unnukkut arfinermut Kitsissuarsummut tikissapput akunnerillu marluk nunaqarfimmiissallutik. 

Naalakkersuisut siulittaasuata Kim Kielsenip juulip ulluisa qulingiluaanniit juulip ulluisa 16-iata tungaanut kunngikkormiut angalaqatigissavai.

Juulip ulluisa 17-ianiit Naalakkersuisut siulittaasuat, Kim Kielsen, Naalakkersuisut siulittaasuata tullianit, Anda Uldumimit, paarlanneqassaaq, kunngikkormiut angalanerat juulip ulluisa 22-anni Nuummi naggaserneqassaaq. 

Kunngikkormiut Nuummiinnerminni dronning Margrethep Qinngutsinni aqqusinertaaq atoqqaartissavaa.

Dronning Margrethe aamma prins Henrik kingullermik 2011-mi Nunatsinniipput.