Red Barnet: Meeqqat pisinnaatitaaffii Danmarkimi unioqqutinneqarput
Meqqat ikinnerpaamik 14-it ullut 20-it 60-sillu akornanik sivisutigisumik parnaarunneqartarsimapput.
Pappiaqqanik uppernarsaatinik eqqunngitsunik meeqqat peqartarnerat pissutaalluni parnaarunneqartarput, aviisi politiken taamatut allaaserisaqarpoq.
Qimaasut meerartaat ingiallorteqaratik kiffaanngissusiiarneqartannginnissaat, naalagaaffiit peqatigiit meeqqat pillugit pisinnaatitaaffiini qulakkeerneqarpoq.
Meeqqat inersimasumik ingiallorteqaratik parnaarunneqartarnerat Naalagaaffiit Peqatigiit meeqqat pisinnaatitaaffii pillugit aalajangersagaa Danmarkip unioqqutippaa, Red Barnet isumaqarpoq.
Meeqqat taamatut inissisimatitaasarsimanerat ajorluinnaqqissaarpoq, Mimi Jakobsen aviisimi politikenimi apersorneqarluni taamatut oqarpoq.
- Meeqqat ingiallorteqaratik parnaarunneqartut qanoq issimasinnaanerat kialluunnit takorloorsinnaavaa. Uanga 14-inik ukioqarluga nunamut nalusannut isumannaatsumullu nunassissorisannut pillunga parnaarunneqarlungalu tamanna ajortumik kinguneqarsinnaavoq, Red Barnet ip siulittaasua Mimi Jakobsen oqarpoq.
Inatsiseqarnermut ministeri Brian Mikkelsen nunasisullu pillugit ministeri Birthe Rønn Hornbæk, qanoq iliuuseqarnissaat Mimi Jakobsenip ujartorpaa.
Qimaasut meerartaasa parnaarunneqartarnerat Europami nunat arlaqartut ilisimavaat, Danmarkimilu meeqqat parnaarunneqartarnerat periusiuvoq nutaaq, Red Barnet isumaqarpoq.
