Red Barnet: Kalaallit Nunaat maligassiuivoq

Niviarsiaqqap arfineq-marlunnik ukiullip Im-ip arnaatalu Danmarkimit anisitaagaluarnerat pillugu Danmarkimi oqallittoqangaatsiarpoq.

Im arnaalu Danmarkimit qanittukkut anisitaapput niviarsiaqqap ataatassaata toqunerata kingorna, inatsilli allanngortinneqarneratigut Danmarkimut uteqqissinnaanngorlutik.

Im anaanalu inuunermi sivisunerpaartaani Danmarkimi najugaqarsimagaluartut Danmarkimit anisitaagaluarput.

Meeqqanut suliniaqatigiiffiup Red Barnetip pisortaa Mimi Jakobsen Danmarkip meeqqanut ajunngitsunik iliuuseqartuunersoq matumani apeqquserpaa.

Naalagaaffiit Peqatigiit Meeqqat pillugit aalajangersagaanut Danmarkip inatsisinut ilanngunnianngippagu, soorlu Kalaallit Nunaat taamaaliornissamut piareersartoq, taava kia tamanna suliarissavaa? Mimi Jakobsen nutaarsiassaqartitsivimmut Ritzauimut aperivoq.

Danskit naalakkersuisui ippassigami nukingerlutik nutaamik inatsisiliorput, Im-itut nalaanneqartut immikkut pineqarnissaanerat periarfissinneqarlutik.

Inatsimmik nutaamik atuutsilertitsineq pisumut aalajangersimasumut tunngatillugu naammanngilaq, Mimi Jakobsen oqarpoq.

Siusinnerusukkut assingusumik pisimasumik misissuisoqartariaqarpoq - meeqqat nalinginnaasumik pisariaqartitaat isigineqarsimanersut misissorlugit, Mimi Jakobsen oqarpoq.

Aviisip Berlingske Tidendep allaaserisaa naapertorlugu meeqqat aqqaneq-marluk inorlugit ukiullit 1000-it sinneqartut, angajoqqaaminni, imaluunniit anaanaminni ataataminniluunniit najugaqalernissaminnut qinnuteqartut 2005-imit 2010-p tungaanut itigartinneqarput.