VIDEO Randi:Inuiaqatigiit Folketingimut ilisimasaat annertusarneqartariaqarput
![Randi Vestergaard Evaldsen](/sites/default/files/styles/image_934x467/public/article_images/randi_vestergaard_evaldsen.jpg?itok=2vvKgn8X)
Inuiaqatigiit Folketingi pillugu ilisimasaat annertusarneqartariaqartoq Folketingimilu sulineq qanoq pingaaruteqartiginersoq paasisitsiniutigineqartariaqartoq, Randi Vestergaard Evaldsen isumaqarpoq.
- Soorunalimi pakatsinalaarpoq taama ikitsigisut akisussaaffimmik tigusinatik qinersiartunngitsut. Kisianni aamma isumaqaannarpoq immaqa uagut politikerit tusagassiortullu allatut suleriuseqarnissarput, Randi Vestergaard Evaldsen oqarpoq.
Aamma atuaruk Ukiuni kingullerni 25-ni folketingemut qinersisarnermi aatsaat taama ikitsigisut qinersiartorput
Taanna aamma oqarpoq, Danmarkimi aalajangerneqartartut pillugit, Nunatsinni politikerit, tusagassiorfiit Namminersorlutik Oqartussallu paasisitsiniaanermikkut suleqatigiinnerusariaqartut.
Folketingimut 1987-imi qinersineq eqqaassanngikkaanni ukiuni kingullerni 25-ni qinersinerni taasiartortut ukioq manna aatsaat taama ikitsigaat, tassa qinersisinnaasut akornanni taamaallaat 49,9 procentii ukioq manna taasiartorsimallutik.