Ramos-Horta præsidentinngorpoq
Østimorimi eqqissinissaq pillugu suliniuteqarsimasoq Nobelillu nersornaasiuttagaannik tunineqarsimasimasoq, Jose Ramos-Horta, Østimorimi præsidentitut ullumi ivertinneqarpoq.
Nunami tassani piffissami kingullermi eqqissiviilliornerujussuaqarsimavoq, Jose Ramos-Hortallu præsidentitut ivertinneqarnerata kingorna eqqissiviilliornerit unitsinneqarsinnaanissaat neriuutigineqalerpoq.
Eqqissiviilliornerni inuit 21-t toqutaasimapput, 150.000-illu qimaatinneqarsimallutik.
Sakkutuut assigiinngisitsisoqarnerarlugu akerliussutsimik takutitsereersullu, sakkutuunit 1400-sunit 600-t premierministeriusimasumit Mari Alkatirimit soraarsinneqarput, taamaalineranilu eqqissiviilliornerit aallartipput.
56-inik ukiulik Jose Ramos-Horta nunani killerni ataqqineqartorujussuuvoq. Østimorimi biskoppi Carlos Belo peqatigalugu Ramos-Horta Nobelip nersornaasiuttagaannik 1996-imi tunineqarnikuuvoq.