Ramadan qiminneqarluni toqutaavoq
Irakimi vicepræsidentiusimasoq, Taha Yassin Ramadan, qiminneqarluni Baghdadimi ullaaq toqutaavoq.
Tamanna pivoq inuit pisinnaatitaaffiisa illersuiniaqatigiiffiit toqutaannginnissaanik piumasaqaraluartut.
Ukiut sisamat matuma siornatigut, tassa marsip ulluisa 20-anni USA Irakimik saassussivoq.
Saddam Hussein kingorna tunuartitaavoq, taamalu aamma Taha Yassin Ramadan, tunuartinneqarluni.
Muslimit shiasiortut 148-t illoqarfeeqqami Dujailimi 1982-imi toqutaanerannut atatillugu Ramadan toqumut pillagaavoq.
Saddamimut siunnersortaasimasut pingasut maannamut toqutaasimapput.
Ramadanimip toqumut pillarneqarnissaanut takussutissat inuit pisinnaatitaaffiinik illersuiniaqatigiiffinnit amigarnerarneqartarsimapput.